أخبار وطنية رئيس الحكومة الياس فخفاخ يقدم التوضيحات التالية في ما يتعلق بالحجر الصحي
تطرق رئيس الحكومة الياس فخفاخ في الخطاب الذي القاه مساء السبت 21 مارس الى مسألة الحجر الصحي موّضحا ما يلي:
"الحجر الصحي الشامل قرار صعيب حتمته علينا الوضعية الجدية التي نعيشها والتي تتطلب كثيرا من الحكمة والمسؤولية والانضباط.
الحجر الصحي الشامل إجراء وقائي يتطلب أنو الناس لكل تقعد في ديارها وما يخرج حدّ إلا للضرورة، بالطبيعة مع بعض الاستثناءات.
الأصل في الحجر الصحي هو البقاء باستمرار في البيوت والاستثناء هو الخروج لقضاء أشياء ضرورية وحيوية ولفترات محدودة يعني:
- يمكن الواحد يخرج يمشي يقضي قضية الدار الضرورية من غذاء وخبز ومواد تنظيف وبعض المستلزمات الأخرى.
- يمكن الذهاب لصيدلية باش يشري دواء أو للمستشفى للعلاج.
الحجر الصحّي يلزموا يشمل الناس الكل إلا إلي خدمتهم ضرورية لتسيير المرفق العام وللأنشطة الحيوية الأساسية كيما: الأمن، والصحة، والنقل، ومنظومة الغذاء، والكهرباء، والماء، والبنوك، والصناعات الحيوية وغيرها.
كل القطاعات هاذي باش يتوفرلها النقل اللازم.
في المجمل بش يبقا قرابة 15% من السكان، أي حوالي مليون ونص تونسي يخدموا بش ما توقفش البلاد وباش يحميوا العشرة ملاين إلي باش يقعدوا في ديارهم."
